Day: March 19, 2013

‘બસ, હવે આ છેલ્લો પેગ’ !

સો શબ્દોની વાર્તાને હજુ એક વાર આર્ચરે વાંચી. આ વખતે એમાં શબ્દો ઉમેરતા ગયા. પોતાની નવલકથામાં જે રીતે વિશેષણો અને વર્ણનો લખતા હોય એ રીતે આ નાનકડી વાર્તામાં એ બધું ઠાંસતાં ગયા, જાણે પોતે જ પોતાની મિમિક્રી કરતા હોય. આવું બોલી રહેલા જેફ્રી આર્ચરને સદેહે જોવા એ જીવનનો એક લહાવો હતો. પહેલાં તો આર્ચરે કહ્યું કે અહીં હાજર રહેલાઓમાંથી જે લોકો બુક લખવા માગે છે એમણે આજે રાત્રે ઘરે જઈને ૧૦૦ શબ્દની મૌલિક વાર્તા લખવી જોઈએ જેમાં ઉપાડ (બીગિનિંગ) હોય,મિડલ  (મધ્ય)  હોય  અને એન્ડ (અંત) હોય. જો તમે સો શબ્દો લખવામાંઆળસ કરતા હશો તો આખી નવલકથા કેવી રીતે લખવાના? કાર્યક્રમ પૂરો થયા પછી મેં મારા મિત્ર નવલકથાકાર શિશિર રામાવતને કહ્યું, ‘ચાલો, મારા ઘરે જઈને સેલિબ્રેટ કરીએ અને ૧૦૦ શબ્દની વાર્તા પણ લખીએ જેનું પહેલું વાક્ય હશે: ‘બસ, હવે આ છેલ્લો પેગ’ ! અમે બંને મારા ઘરે આવ્યા. આર્ચરને મળવાના આનંદમાં ઉજાણી પણ કરી. પણ પીધા પછી પેલી વાર્તા લખવાની વિસરાઈ ગઈ!બીજે દિવસે મેં વિચાર્યું કે મૌલિક વાર્તાને મારો ગોલી, આ જ વાર્તાને ટ્રાન્સલેટ કરી જોઈએ. એક, બે રોન્ગ સ્ટાર્ટ પછી ગાડી  પાટે ચડી અને બે જ મિનિટમાં વાર્તાનો અનુવાદ થઈ ગયો. પછી એને મઠાર્યો. ફાઈનલ સ્વરૂપ તમે આ બ્લૉગ પર વાંચી લીધું છે. ઍનિ વે, મિમિક્રીવાળી વાત કરતાં પહેલાં આર્ચરે પૂછ્યું કે ૯૮ શબ્દ લખાયા પછી ક્યા બે શબ્દો ઉમેર્યા ત્યારે મેં જવાબ આપ્યો (he said) અને એ સાચો નીકળ્યો એટલે આપણે સાતમાં આસમાન પર. જેફ્રી આર્ચરે મારો ખભો દાબીને ‘યુ આર રાઈટ’ કહ્યું ત્યારે, ‘ઓમ શાન્તિ ઓમ’માં જુનિયર આર્ટિસ્ટ શાહરૂખ ફિલ્મમાં સુપરસ્ટાર દીપિકા એને અજાણતાં અડકી જાય છે અને શાહરૂખ એના દોસ્તાર શ્રેયસ તલપડેને કહે છે કે : ‘ઉસને મુઝે છુઆ!!!’, એ મોમેન્ટે મારી હાલત પણ કંઈક એવી…