ઊંઝાની ત્રણ જોક્સ: ચોરી, અપહરણ, પંચતંત્ર

રમૂજ:૧

એક ચોર હતો. તે ચોરી કરવા ગયો. ચોરી કરતાં કરતાં અચાનક એને એક પ્રશ્ન થયો. તિજોરી ખુલ્લી મૂકીને એણે પોતાના બૉસને ફોન લગાડ્યો: ‘બૉસ, એક સવાલ થાય છે.’

‘જલદી બોલ, ગધેડા. અડધી રાતે શેના સવાલો થાય છે તને?’

‘બૉસ, આપણે તો ઊંઝાવાદીઓ છીએ અને અહીં તો તિજોરી છે–તીજોરી તો  દેખાતીય નથી, શું કરું?’

‘અક્કલના ઓથમીર, માલ સાફ કરતી વખતે હ્રસ્વ ઈ દીર્ઘ ઈ જોવાની નહીં. જલદીથી તિજોરીમાંના રૂપિયા લઈને આવી જા… અને એક મિનિટ… રૂપિયા ભલે દીર્ઘ ઈવાળા ન  હોય, લઈ લેજે, પડતા નહીં મૂકતો…’

‘ભલે બૉસ, પણ એક.. એક છેલ્લો સવાલ…’

‘વળી પાછું શું છે?’

‘બૉસ, પોલિસમાં હ્રસ્વ ઈ આવે કે પોલીસ કહીએ એમાં દીર્ઘ ઈ વપરાય?’

‘તે અત્યારે તને એ કેમ યાદ આવ્યું?’

‘બૉસ, સાયરન સંભળાઈ એટલે!’

* * *
રમૂજ : ર

સી. આઈ. ડી. ક્રાઈમ બ્રાન્ચમાં શહેરના સૌથી પૈસાદાર ઉદ્યોગપતિ બેઠા છે. એમના દીકરાનું અપહરણ થયું છે. અપહરણકર્તાએ દસ કરોડની વસુલી માગી છે. શેઠ પૈસા આપીને દીકરાને છોડાવી લાવવા આતુર છે. ક્રાઈમ બ્રાન્ચના ઑફિસરો કહે છે, ‘થોડી રાહ જુઓ અમે તમારા દીકરાની ભાળ મેળવી જ રહ્યા છીએ… કિડનેપર કોઈકને કોઈક રીતે તમારો સંપર્ક કરશે જ..’

ત્યાં જ શેઠના બ્લૅકબેરી મોબાઈલ પર ઈમેઈલ મેસેજ આવ્યાનું ટણિંગ થયું. શેઠે મેસેજ ખોલ્યો, વાંચીને એમને પરસેવો વળી ગયો. ધ્રુજતા હાથે એમણે બ્લૅકબેરી ડીસીપીના હાથમાં મૂક્યો. મેસેજ વાંચીને ડીસીપી સાહેબ ખડખડાટ હસી પડ્યા અને બોલ્યા, ‘શેઠ તમારા દીકરાનો  કિડનેપર પકડાઈ ગયો…’

‘કેવી રીતે?’

‘આ જુઓ શું લખ્યું છે!’

‘શું લખ્યું છે?’

‘લખે છે: આપના ખીલાફ મને કોઈ ફરીયાદ નથી પણ મારી પરીસ્થીતીની જરુરીયાતને હીસાબે… બસ, આટલું જ કાફી છે, શેઠ. ચાલો, ઊંઝા, તમારો દીકરો ત્યાં જ છે!’

* * *
રમૂજ ૩: ઊંઝાનું પંચતંત્ર

એક જંગલ હતું. જંગલમાં એક સિંહ રહેતો હતો. સિંહ જંગલનો રાજા હતો. એક દિવસ રાજા સિંહ માંદો પડ્યો. રાજવૈદે સારવાર કરી પણ સિંહની બીમારી મટે જ નહીં, મટે જ નહીં. છેવટે મંત્રીએ રાજાને ઈલાજ સૂચવ્યો, ‘મહારાજાધિરાજ, સાંભળ્યું છે કે અહીંથી સો ગાઉ દૂર ઊંઝા નામના પ્રદેશમાં એક વાંદરો રહે છે. આવી બીમારીઓના ઈલાજ માટે એ ખૂબ જાણીતો છે.’

‘તો રાહ કોની જુઓ છો, એક પવનવેગી સાંઢણી પર બેસાડીને બોલાવી લાવો એને મારા મહેલમાં.’

બીજે દિવસે પ્હો ફાટતાં જ ઊંઝાનો વૈદરાજ વાંદરો વાજતે ગાજતે મહારાજા સિંહના મહેલમાં દાખલ થયો. સિંહનો આગલો ડાબો પગ હાથમાં લઈ નાડી ચૅક કરીને ઊંઝાના વૈદરાજ વાંદરાએ માથું ધુણાવ્યું.

‘શું? કોઈ ગંભીર વાત છે?’ સિંહે પૂછ્યું.

‘શ…’ ઊંઝાના વૈદરાજ વાંદરાએ સિંહનો આગલો જમણો પગ હાથમાં લઈ નાડી તપાસી અને ફરી માથું ધુણાવ્યું.

‘વૈદરાજ, બોલો તો ખરા, બહુ સિરિયસ રોગ છે મારો?’

ઊંઝાના વૈદરાજ વાંદરાએ સિંહનો પાછલો ડાબો પગ હાથમાં લઈ નાડી તપાસી અને ફરી માથું ધુણાવ્યું.

સિંહ ગભરાઈ ગયો. ઊંઝાના વૈદરાજ વાંદરાએ સિંહનો પાછલો જમણો પગ હાથમાં લઈ નાડી ચૅક કરી. સિંહનો શ્વાસ અધ્ધર થઈ ગયો. ઊંઝાનો વૈદરાજ વાંદરો બોલ્યો, ‘સિંહરાજ, તમે મરવા પડ્યા છો… તમારી આવરદા હવે ઝાઝી બચી નથી.’

‘હવે શું થશે?’ સિંહ ગભરાઈ ગયો.

‘મારી પાસે તમારો ઈલાજ છે’, ઊંઝાનો વૈદરાજ વાંદરો બોલ્યો.

‘શો ઈલાજ છે, વૈદરાજ,’ સિંહે પૂછ્યું.

‘તમારી બીમારી તમારા પાચનતંત્રને કારણે સર્જાઈ છે. છેલ્લે તમે શું ખાધું હતું…’

‘શું ખાધું હતું..?’ સિંહે માથું ખંજવાળીને યાદ કર્યું, ‘આમ તો રૅગ્યુલર જે ખાઉં છું તે જ… હા, હા, છેલ્લે  રાજમહેલમાં પાર્ટી હતી ત્યારે એક શિયાળ ખાધું હતું..’

‘અરે, અરે, અરે, મહારાજ… આ તમે શું ખાધું?’ ઊંઝાનો વૈદરાજ વાંદરો બોલી ઊઠ્યો.

‘કેમ, કેમ, કેમ?’ સિંહે પૂછ્યું.

‘શિયાળ તે કોઈ દિવસ ખવાય? એ તો હ્રસ્વ ઇ પ્રાણી કહેવાય.. બીજું શું ખાધું હતું, મહારાજ?’

‘બસ, જમ્યા પછી ડિઝર્ટમાં એક કબૂતર ખાધું’

‘કબૂતર? એ તો દીર્ઘઊ પંખી કહેવાય… મહારાજ, મહારાજ, આ તમે શું કરો છો? આજથી તમારે હવે એક જ ઈ અને એક જ ઉ વાળાં પ્રાણીઓ ખાવાનાં!’

‘એક જ ઈ? એ વળી કયું પ્રાણી છે? આવા જનાવરનું તો મેં કોઈ દિવસ નામ સુદ્ધાં નથી સાંભળ્યું, વૈદરાજ!’

‘સમજાવું છું, મહારાજ. ઊંઝાવાળા વાંદરા વૈદરાજે પોતાના તાર્કિક, સમાધાનકારી અને ઉભયપક્ષે ઉપયોગી એવા મેડિકલ સાયન્સના ઉપચારો લંબાણ પૂર્વકની દલીલો દ્વારા સમજાવ્યા જે તમામ મહારાજાના માથા ઉપરથી બાઉન્સ થઈ ગયા.

‘વૈદરાજ, કંઈ સમજાય એવું તો બોલો…’

‘મહારાજ, આજથી હવે તમારે માત્ર સસલું ખાવાનું. એ હ્રસ્વ ઉ પ્રાણી છે.’

‘એક સસલું ખાઈને કેવી રીતે પેટ ભરાય?’

‘ઠીક છે, તો સાથે સુવ્વર, ડુક્કર કે ભુંડ–જે ભાવે તે ખાજો..’

‘છી.. છી.. રાજા થઈને અમે આવાં પ્રાણી ના ખાઈએ.’

‘ઓકે, તો ઝીબ્રા ખાજો..’

‘ઝીબ્રા! આ ગીરના જંગલમાં ઝીબ્રા ક્યાંથી લાવવાના મારે?’

‘ભલે, તો હાથી ખાજો — એ દીર્ઘ ઈ પ્રાણી છે…’

‘વૈદરાજ, એની સાથે અમારી સંધિ છે, મારાથી ના ખવાય..’ સિંહ ગુસ્સે થયો.

‘ઠીક છે…’ ઊંઝાનો વૈદરાજ વાંદરો ચિંતામાં પડી ગયો, ‘એક કામ કરો, તમે હરણ, મગર અને જરખનો આહાર શરૂ કરી દો — કાનામાતર કે ઈ-ઉ વગરનાં પ્રાણી તમને સહેલાઈથી પચી જશે…’

સિંહનો રોષ વધતો ગયો, ‘ વૈદરાજ, તમે મને ભૂખ્યો રાખીને મારી નાખવાનો પેંતરો રચો છો.. જરા, અહીં આવો તો..’ સિંહે ઊંઝાના વૈદરાજ વાંદરાને નજીક બોલાવીને ઝાપટ મારી અને એનું ગળું પકડી એક જ કોળિયે એને આરોગી ગયો.

ઊંઝાના વૈદરાજ વાંદરાને ખાતાં જ સિંહને સારું લાગવા માંડ્યું અને એ નાચતોકૂદતો ગાવા લાગ્યો.

28 comments for “ઊંઝાની ત્રણ જોક્સ: ચોરી, અપહરણ, પંચતંત્ર

  1. June 27, 2009 at 9:42 AM

    હા…હા…હા…હા…
    મજા આવી ગઈ !

    • kalpesh
      February 28, 2010 at 11:20 PM

      મને પન મઝા આવિ તને મ્ઝા આવિ ?

      • wafer
        February 3, 2012 at 8:49 AM

        Shama majhaavi? Unjhama ke oojhamaa?

  2. June 27, 2009 at 10:37 AM

    સારી સવાર માટે આભાર. રમૂજ્-૨ વધારે ગમી.

  3. June 27, 2009 at 11:18 AM

    ક્યા બાત હૈ !

    ત્રણ જોક્સની સિક્સર !!

  4. અલકેશ પટેલ
    June 28, 2009 at 1:18 PM

    જોરદાર. જોડણી બદલવાની અવૈજ્ઞાનિક દલીલોના પરિણામો અંગેના કટાક્ષ ગમ્યા. Please do not stop hunting these monkeys…

  5. Gaurang Acharya
    June 29, 2009 at 11:33 AM

    સવારમાં કાંતાએ રમાને પૂછયુ “રમા મારા નર(ળ)માં પાણી નથી આવતું, તારા નર(ળ)માં આવે છે?

    • અલકેશ પટેલ
      June 29, 2009 at 5:32 PM

      અરે જોરદારરરરર ગૌરાંગભાઈ.

  6. Jina
    July 21, 2009 at 1:30 PM

    વાહ વાહ!! તમે તો અમારા સૌની લાગણીઓને વાચા આપી છે… મજા આવી ગઈ!!

  7. r.s.d.k.a.
    November 25, 2009 at 9:51 AM

    જ ક કા સ & લ ગે ર હો .

  8. M.D.Gandhi, U.S.A.
    July 17, 2010 at 12:00 AM

    ત્રણે જોક્સ મજાની છે. પણ વર્ષો પહેલાં તમે મુંબઈ સમાચારમાં છેલ્લે પાને ૨-૩ લીટીની જોક્સ આપતા હતાં તે હજી પણ મને યાદ છે. તેમાં પણ બહુ રમુજ રહેતી, ૨-૩ લીટીમાં ૧-૨ પેરેગ્રાફ જેટલું સમજાઈ જતું.

  9. 'Sahaj'
    August 2, 2010 at 3:28 PM

    भई वाह ! क्या कहने !

  10. hiten
    August 24, 2010 at 5:05 PM

    very nice

  11. dharmesh
    October 7, 2010 at 1:56 PM

    very nice

  12. hardik patel
    October 20, 2010 at 3:04 PM

    mane pan maza avi tamane joksa kaheva ma maza avi k nahi

  13. Jayesh Patel
    October 29, 2010 at 10:49 AM

    વેધક કટાક્ષ !

  14. November 26, 2010 at 12:28 PM

    mane to maza avi tame pan maza lo.

  15. bharat
    June 15, 2011 at 10:37 AM

    saab bakwaas jokes
    hasvu to avyu j nai

    • Gypsy
      July 24, 2011 at 11:41 AM

      જોક સમજાય તો જ હસવું આવે એવું સાંભળ્યું છે. નહિ તો બે વાર હસી લેવું. સભ્યતા ખાતર પહેલી વાર સૌની સાથે, અને બીજી વાર સમજાય ત્યારે.

  16. jignesh chauhan
    November 3, 2011 at 3:52 PM

    very very very good joks

  17. prateek desai
    January 7, 2012 at 10:56 AM

    ha ha ha ha ha …….

  18. mukund r patel
    January 13, 2012 at 8:17 PM

    unjha na undha avaignynik jodani vala sabdo no kataks gamyo.

  19. wafer
    February 3, 2012 at 8:48 AM

    What is this unjha(oonjha)?They should deal with isubgulor jeeru.
    They are in wrong business.
    What the hell they have to do with Gujarati Jodni?

  20. February 20, 2013 at 4:08 PM

    સૌરભભાઈ, મારે ગાંધીભાઈના લેખ વાચવાની બહુ ઈચ્છા છે. તમે કોઈ રીતે મદદ કરી શકો?
    મુંબઈની ઘણી લાયબ્રેરીમા શોધ્યું પણ તેમનું એકપણ પુસ્તક મળ્યું નથી.અભિયાનમાં હવે શક્ય નથી અને બીજે ક્યાય પણ શક્ય નથી.
    અલ્કેશભાઈ ભાયાણી પાસે પણ ઘણી તપાસ કરાવી જોઈ છે.
    તમારું પુસ્તક ફતવાની દુનિયા પણ કોઈ લાઇબ્રેરીમા નથી એ પણ જો મળી જાય તો મારી ફરીથી વાંચવાની ઈચ્છા છે.

    • February 20, 2013 at 9:15 PM

      Please check with image publications for gandhibhais book. Mine is out of print.

  21. CA MAHENDRA RAMBHIA
    February 27, 2013 at 12:57 PM

    aapna j hathe aapni matrubhasha nu khun.

  22. March 7, 2013 at 8:05 AM

    ઉંઝાની ત્રણ જોકસ :

    આવી જોક્સ સાર્થ જોડણી માટે બની હોત તો સાર્થ જોડણીવાળાએ સાર્થ જોડણીકોષ બનાવવાનું જરુર માંડી વાળ્યું હોત.

    સાર્થ જોડણી વાળા ભાષાના નીષ્ણાત હતા? મીરાબાઈ અને નરસૈયાએ જોડણી અને વ્યાકરણનો અભ્યાસ કરેલ?
    ફેસબુક અને બ્લોગ ઉપર જોડણીનો ભુલો કાઢનાર સરસ્વ્તી ઉપાષક છેવટે લક્ષ્મીના પગની માલીસ કરવા રાજી થઈ જાય.

  23. પરભુભાઈ એસ. મિસ્ત્રી
    May 20, 2016 at 12:43 PM

    મજા આવી ગઈ. મારા મિત્ર મુ. ઉત્તમભાઈ ગજ્જરને મોકલું છું. તેઓ ખેલદિલ છે અને રમુજને રમુજ તરીકે માણી શકશે.. વી.કે વોરા સાહેબ દુભાયા લાગે છે, સાર્થ જોડણી વિષે રમુજ કરવા માટે પહેલી શરત એ કે સાર્થ જોડણીકોશ રચાયો હોવો જોઈએ.પછી એના પર રમુજ થાય! રમુજ પછી સાર્થ જોડણીકોશ બનાવવાનું માંડી વાળ્યું હોત એ વિધાન તર્કસંગત નથી લાગતું.
    મારું તો માનવું છે કે બીજાની દયા ખાવા જતાં વિદ્વાન મિત્રોએ પોતાની જોડણી બગાડી નાંખી છે.બીજા સુધર્યા નહીં અને પોતે બગડી ગયા! સાચું પૂછો તો જેમને માટે ઊંઝા જોડણીનો વિકલ્પ શોધાયો તે સૌને હ્રસ્વ કે દીર્ઘની પંચાત કર્યા વગર બેમાંથી ગમે તેનો ઉપયોગ ગમે તે રીતે કરવો છે! કોઈ નિયમ જોઈતો જ નથી તેને વળી ઊંઝા શું ને ઉંઝા શું?

Leave a Reply

Your email address will not be published. Required fields are marked *