૨૫ મેથી ૨૫ જૂન સુધીની આ વેબજાત્રા

‘ગુડ મોર્નિંગ ઓનલાઇન’ બને છે સૌથી વધુ વિઝિટ થતો મૌલિક ગુજરાતી બ્લોગ!

ગુડ મોર્નિંગ!

આજે અમે નેટ પર ત્રીસ દિવસ પૂરાં કરીએ છીએ.

૩૦ દિવસ એ કંઈ બહુ મોટી સિદ્ધિ કહેવાય?

અફ્કોર્સ! ખાસ કરીને ત્યારે જ્યારે આ પ્રથમ ૩૦ દિવસમાં ‘ગુડ મોર્નિંગ ઓનલાઇન’ ગુજરાતી ભાષાના સૌથી વધુ વંચાતા , વિઝિટ થતા અને ચર્ચાતા મૌલિક બ્લોગ તરીકે સ્થપાઈ ચૂક્યો હોય.

Alexa યાને કિ એલિઝા-એલેક્સા નહીં (જે એમેઝોન ડોટ કોમની રેન્કિંગ કંપની છે, એની ૩ મહિનાની રેન્ક તો ૯૦ દિવસ પછી મળશે પણ) એની ૩૦ દિવસની રેન્કમાં આ બ્લોગ અન્ય કોઇ પણ ગુજરાતી મૌલિક બ્લોગ કરતાં આગળ છે. એલિઝા ઉપરાંતની દરેક મોટી રેન્કિંગ એજન્સીના છેલ્લા ૩૦ દિવસના આંકડા આ જ વાત દોહરાવે છે.

તો હવે અમે પણ આજથી અમારા આ ખટારા પાછળ લખવાનું શરૂ કરી દઇએ:બુરી નજરવાલે...

આજે અમે અહીં ૩૦ દિવસની સૌથી લોકપ્રિય ૩૦ પોસ્ટની યાદી મૂકીએ છીએ. આ રેન્કિંગ વર્ડપ્રેસના સોફ્ટવેર દ્વારા મળ્યા છે.

આજના આ તહેવાર પ્રસંગે એક નાનકડું સેલિબ્રેશન! આજે (ભારતીય સમય મુજબ) સાંજના ૬ વાગ્યાથી રાત્રિના ૧૨ના ટકોરા સુધી દર કલાકે એક નવી પોસ્ટ, એક નવી સરપ્રાઇઝ! બી રેડી, બી પ્રીપેર્ડ. સાંજે ૬થી રાતના ૧૨!

દરમ્યાન, તમારા માટે એક સવાલ: આ ૩૦ પોસ્ટમાંથી તમારી સૌથી ગમતી એક, બે કે ત્રણ પોસ્ટ કઈ?

એકાવન સુવર્ણમુદ્રાઓ

મને લખી મોકલો. શા માટે એ પણ લખજો. બેસ્ટ ૩(ત્રણ) કમેન્ટ્સને મારા તરફથી ‘એકાવન સુવર્ણમુદ્રાઓ’ની નાનકડી ભેટ કુરિયરમાં મોકલીશ. પરદેશમાં રહેતા મિત્રોને એમના ભારતના સરનામે મોકલીશ (ભારતમાં તમારું કોઈ ના હોય તો ? વેલ, હું તો છું તમારો. મારી પાસે તમારી ગિફ્ટ સાચવી રાખીશ, ત્યાં આવીશ ત્યારે હાથોહાથ આપી દઈશ!)

અને હવે તમારા માટે બીજો સવાલ: આજની આ પોસ્ટ અપલોડ કરી ત્યાં સુધી કુલ ૩૯૨ ક્મેન્ટ્સ આવી છે. આમાંથી તમને કઈ ક્મેન્ટ બેસ્ટ લાગી ?(તમે પોતે લખેલી  કે મેં લખેલી ક્મેન્ટ નહીં ગણવાની.) તમે સૌએ નક્કી કરેલી ત્રણ કમેન્ટ્સને અને આ ત્રણ ક્મેન્ટ્સ બેસ્ટ છે એવું જણાવનારાઓમાંથી ત્રણને પણ ‘એકાવન સુવર્ણમુદ્રાઓ’ ! લો, કુલ નવ ‘એકાવન સુવર્ણમુદ્રાઓ‘ થઈ ગઈ. હવે, બસ. સોનાનો ભાવ શું ચાલે છે, ખબર છે!

જો તમે આ બ્લોગ પર પહેલા દિવસથી ન આવ્યા હો તો પહેલાં બધી પોસ્ટ પર નજર નાખી જજો, પછી કમેન્ટ લખજો. તમારી કમેન્ટ ૨૬ જૂનના સવારના ૯ વાગ્યા (IST) પહેલાં મને મળી જવી જોઈએ. (નવી એક્સ્ટેન્ડ કરેલી ડેડ્લાઇન માટે છેક છેલ્લે સ્ટોપ પ્રેસ વાંચી જાઓ.) બેસ્ટ ૩ કમેન્ટ્સ મોકલનારા મિત્રોનાં નામ (તેમ જ અન્ય ૩+૩ નામ) ૨૬મીએ સવારે ૧૧ વાગ્યે જાહેર કરીશ. એ મિત્રોને ઇ-મેઇલથી મારો સંદેશો મળે તે પછી એમણે કુરિયરમાં ‘એકાવન સુવર્ણમુદ્રાઓ’ મેળવવાનું સરનામું મને ૭ દિવસમાં મોકલી આપવું. ‘એકાવન સુવર્ણમુદ્રાઓ’માં મારાં પ્રગટ થઈ ચૂકેલાં/પ્રગટ થનારાં પુસ્તકોમાંથી મેં ચૂંટેલા ૫૧ લેખો/નિબંધો ઇત્યાદિ છે. આ ચોપડી અત્યારે બજારમાં ઉપલબ્ધ નથી અને આ સ્વરૂપે હવે ફરી છપાવાની પણ નથી.

એની વે, મારા માટે આજનો દિવસ ખરેખર મહત્વનો છે. ૨૫ મે ૨૦૦૯ના રોજ હરકિસન મહેતાની જન્મજયંતિથી શરૂ થયેલી આ વેબજાત્રાનો પહેલો માઇલસ્ટોન આવ્યો તે પણ ક્યા દિવસે? ૨૫ જૂને. ઇન્દિરા ગાંધીને કારણે આ દેશે જોયેલી સૌથી કમનસીબ ઘટનાની આજે ૩૯મી તિથિ છે. ભારતમાં આજે પણ ઇમર્જન્સીની બહેનપણીઓ ગં. સ્વ. સોનિયાબેનના રાજમાં જોવા મળે છે. ૨૫ જૂન ૧૯૭૫નો એ કલંકિત દિવસ ભૂલી ગયેલા લોકો આજે સેક્યુલર બનીને અસલ ઇન્દિરાશાઈ મિજાજમાં આ દેશની શાંતિ જોખમાવી રહ્યા છે.મિત્રોના આગ્રહથી કાલથી કરન્ટ ટોપિક પર પણ લખવાનું શરૂ કરું છું, જે છેલ્લા કેટલાક સમયથી છૂટી ગયૂં હતું.

તો તમે આ ૩૦ પોસ્ટ પર કામે લાગી જાવ, હું ૬થી ૧૨ના શેડ્યુલને સાચવવા માટે વિનય ખત્રી અને લજ્જા દવે તથા સ્વાતિ ગઢિયા જેવાં મિત્રોની સાથે તાર જોડી લઉં છું. તમારા સૌના પ્યાર-દુલાર માટે ખૂબ ખૂબ આભાર. તમારી શુભેચ્છાઓ અને તમારી ક્લિક્સ વગર આ બ્લોગનૂં કોઈ વજૂદ ના હોત! ધન્યવાદ અને ઓલ ધ બેસ્ટ!

૩૦ દિવસ ૩૦ પોસ્ટ

  1. બ્લોગ જગત કે મફતિયા પરા
  2. ઊંઝા જોડણીવાળા કઈ રીતે છેતરે છે તમને
  3. ફરી એક વાર, શ્રી ગણેશાય નમઃ
  4. ‘ચિત્રલેખા’એ લીધેલી સૌરભ શાહની મુલાકાત
  5. ઊંઝા જોડણીમાં ભાગલા: મહેસાણા જોડણીનો અલગ ચોકો
  6. ઊંઝાના આતંકવાદીઓ માટે શ્યામલ મુન્શીનું ગીત
  7. સેક્યુલરવાદીઓ દરેક પગલે હિન્દુઓને પીંખી નાખવા તૈયાર હોય છે
  8. મારા જેલના અનુભવો: પ્રકરણ – ૧
  9. બાપુ, બચ્ચન અને મિડિયા
  10. પર્સનલ ડાયરી: વિનય ખત્રી
  11. પર્સનલ ડાયરી: પપ્પા
  12. About Me
  13. ચડ્ડી-બનિયનધારી સેક્યુલરખાનો
  14. વો ભૂલી દાસ્તાં, લો, ફિર યાદ આ ગઈ
  15. આષાઢસ્ય પ્રથમ દિવસે
  16. દોસ્ત એ કહેવાય જેની પાસે ત્રાજવું ન હોય
  17. ઈ-મૅગેઝિન ‘ધ રીડર્સ’નું લોકાર્પણ: સૌરભ શાહ
  18. લગે રહો, ગુજ્જુભાઈ!
  19. હિંદુઓ અળખામણા કેમ છે
  20. વ્હાલું વતન: પંચમહાલનું પેરિસ દેવગઢ બારિયા
  21. તૂટે તે સંબંધ, ટકે તે વ્યવહાર
  22. જિંદગીના છેલ્લા ત્રીસ દિવસ બાકી હોય તો
  23. નવા ફોર્મેટે કમાલ કરી
  24. હવનનો પાડો અને ઇદની બકરી
  25. સેક્યુલરવાદીઓ હિન્દુ વિરોધીઓ છે
  26. Threee Years After Godhara
  27. ચાણક્ય કહી ગયો કે શત્રુ મદદ કરવા આવે તો
  28. બ્રાહ્મમુહૂર્તનો સમય શહેરમાં વેડફાઈ જાય છે
  29. કોઈ તમારી પાસે સલાહ માગે ત્યારે
  30. Who is responsible for Godhara

તો ફરી મળીએ છીએ સાંજે ૬ વાગ્યે અને ત્યાર બાદ દર કલાકે, મધરાતના૧૨ સુધી. દરમ્યાન તમારી મનગમતી ૧/૨/૩ પોસ્ટ તેમ જ ક્મેન્ટ કઈ કઈ છે તે નક્કી કરીને, કારણો સહિત મને જણાવી દો… મળીએ..

સ્ટોપ પ્રેસ

ખાસ સૂચના: અનેક મિત્રોનું સૂચન છે કે ગમતી 1/2/3 પોસ્ટસ તથા બેસ્ટ કમેન્ટસ વિશેની એંન્ટ્રી મોકલવા માટે 24 કલાક કરતાં ઓછો સમય આપ્યો છે તે વાજબી નથી, મુદત વધારો… ભલે. શનિ-રવિની રજાનો લાભ લો. અને સોમવાર, 29 જૂનની સવારના 11 વાગ્યા સુધીમાં તમારી એન્ટ્રી મોકલી આપો. ઓકે? ઓરિજિનલ પોસ્ટમાં આપેલી તારીખ સુધારવાને બદલે એ પોસ્ટની સાથે જ ના નોંધ મૂકી દઉં છું. બીજી એક વાત. ઘણા મિત્રો ની એન્ટ્રી લાંબી હોવાથી તેઓ ઇ-મેલથી એન્ટ્રી મોકલી રહ્યા છે. તમે પણ ક્મેન્ટ પોસ્ટ કરવાને બદલે મેલ કરી જ શકો છો.: hisaurabhshah@gmail.co

19 comments for “૨૫ મેથી ૨૫ જૂન સુધીની આ વેબજાત્રા

  1. Niraj
    June 25, 2009 at 4:54 AM

    અભિનંદન…

  2. June 25, 2009 at 6:52 AM

    અભિનંદન! વિષય વૈવિધ્ય અને શૈલી બન્ને જકડી રાખે છે.

  3. June 25, 2009 at 9:57 AM

    Dear Saurabhbhai,

    Congratulations from the HEART!
    You and Vinaybhai are doing really good work…

    So, congrats to Vinaybhai also.

  4. June 25, 2009 at 11:45 AM

    ખૂબ ખૂબ અભિનન્દન

    આપના સૌરભ-શાહ . કોમને મારા બ્લોગમા RSS feeds તરીકે ઉમેરવા માટે સંમતિ આ૫શોજી.

    આભાર સહ.

    Nishant Gor

  5. Shishir Ramavat
    June 25, 2009 at 1:04 PM

    Dear Saurabhbhai,

    Congratulations!! This was bound to happen. All the very best..

  6. June 25, 2009 at 1:20 PM

    યે તો હોના હી થા, શિશિરભાઈની વાત સાવ સાચી. સૌરભભાઈ આમ આંગળીવગા રહે તે ગુજરાતી વાચક માટે જલસો જ ને. અભિનંદન, શુભકામનાઓ. જવાબદારી, અપેક્ષા વધવાની જ. પણ સૌરભભાઈ પંહોચી વળશે. સાથે વિનયભાઈ અને લજજાને પણ અભિનંદન.

  7. June 25, 2009 at 1:33 PM

    અભિનંદન.

  8. June 25, 2009 at 2:45 PM

    હાર્દિક અભિનંદન અને ખૂબ ખૂબ શુભેચ્છાઓ…

    સિતારોં સે આગે જહાઁ ઔર ભી હૈ…

    ગમતા ત્રણ લેખ અને ગમતી ત્રણ કૉમેન્ટ્સ વિશે તટસ્થ અભિપ્રાય આપવા હું સમર્થ નથી. કેમકે હું પુસ્તકના પાનાં પીને ઉછરેલો માણસ છું અને ભલે ગુજરાતી બ્લૉગ્સ- લયસ્તરો.કોમ અને શબ્દો છે શ્વાસ મારા- ચલાવતો હોઉં, કમ્પ્યુટર પર ગદ્ય વાંચવું મને આજે પણ ફાવતું નથી… એટલે બધા લેખ અને બધી કોમેંટસ વાંચવી મારા માતે શક્ય નથી…

    હા, ઉંઝા જોડણી વિષયક લેખ અને ઓવર-ઑલ તડ ને ફડ કરી નાંખવાની આપની શૈલી મને ખૂબ પસંદ આવી છે.. અને મારી ક્ષમતા મુજબ હું એને બિરદાવું છું…

  9. June 25, 2009 at 2:48 PM

    એક પ્રશ્ન એ પણ પૂછવાનો છે કે કુલ કેટલા ગુજરાતી બ્લૉગ્સ આ એલિઝા પર રજિસ્ટર્ડ છે ?

    • June 25, 2009 at 3:07 PM

      એલિઝાની સાઇટ સ્ટ્ડી કરવાથી ખબર પડ્શે કે કોઈ પણ સાઈટ/બ્લોગ જ્યાં અવરજવર નિયમિત હોય તેને એલિઝા ટ્રેક કરે છે. રજિસ્ટ્રેશન કરાવવાથી તમારા વિષેની વધુ માહિતી એ ડિસ્પ્લે કરી શકે છે તેમ જ તમને ટ્રેક કરી વધુ સારી રીતે આંકડા ભેગા કરી શકે છે. એલિઝા પાસે ૧૦,૦૦,૦૦૦ (દસ લાખ) સાઇટ્સ/બ્લોગ્સની યાદી downloading માટે તૈયાર છે અન્યથા તમારે જે સાઇટ/બ્લોગની માહિતી જોઈતી હોય તે તમે મેળવી જ શકો છો: http://www.alexa.com

  10. lajja
    June 25, 2009 at 4:26 PM

    congratulations!!!

  11. June 25, 2009 at 5:00 PM

    congratulations…..!!

  12. June 25, 2009 at 5:01 PM

    I’ve already have ’51 suvarnamudrao’.
    May I have a real one from you ! 🙂

  13. June 25, 2009 at 6:07 PM

    મારા હાર્દિક અભિનંદન અને ઉમ્મરના સબબે આશિષ પણ

    એક બે પેટ છૂટી વાત કરી લઉં તો માઠું ન લગાડતા –

    1. આપના જેવા નીવડેલા લેખકો અને પત્રકારો પાસેથી અમારા જેવા, નવા નીશાળીયા દોરવણીની આશા સેવે છે. આપ સૌની સાથે હરીફાઈની તો અમારી કોઈ ગુંજાઈશ જ નથી. અતિશય કવિતા પ્રેમથી શરુ થયેલી બ્લોગર યાત્રા સાહિત્યના અનેક વૈવિધ્ય સભર ક્ષેત્રોમાં ધીમે ધીમે આગળ વધી રહી છે. એ માટે વધુ ને વધુ બ્લોગરો મૌલિક સર્જનો કરતા થાય તે માટે તમારા જેવા મહાનુભવોએ પ્રયોગશીલ પ્રયત્નો કરવા જોઈએ.

    2. શિક્ષણ સહિત બધા ક્ષેત્રે વધતી જતી અંગ્રેજીની આગેકૂચની સામે ગુજરાતીને ટકાવવી હોય તો; બ્લોગરોએ સસ્તા મનોરંજન અને કેવળ કવિતા, સંગીત પ્રેમથી આગળ વધવું જોઈએ – ખાસ કરીને સમાજની મનોવૃત્તિમાં આમૂલ પરિવર્તન માટે. બ્લોગરો માટે હવે આ ઉત્તરદાત્યિત્વ બની રહે છે. તમારી તો સ્વતંત્ર વેબ સાઈટ છે. તમારે આ બાબત પહેલ કરીને બ્લોગરો માટે દાખલો બેસાડવો જોઈએ. આમાં જોડણી સુધાર જેવા સાવ નાના મુદ્દાને અગ્રતા ન આપવી જોઈએ. તેને પણ સુધારણાન નાનકડા પણ વિચારશીલ પ્રયત્ન તરીકે તાર્કીક અને વ્યવહારિક પાયા પર મૂલવવો જોઈએ.

    ————-
    આ મારી અંગત માન્યતાઓ છે. પણ એકમેકની પ્રત્યે સન્માનની ભાવનાનું જતન કરીને, આપ જેવા નીવડેલા સર્જકોની નેતાગીરી હેઠળ, ગુજરાતી નેટ જગત હકારાત્મક પ્રગતિ કરે એ જ અભ્યર્થના.

    ( જોડણી અંગે મારી અંગત માન્યતાઓ બાજુએ મૂકીને, અને જોડણીના મુદ્દે આ વિચારની અવગણના ન થાય તે આશયથી, જોડણી ભૂલ ન થાય તેવી ખાસ ચીવટ રાખીને, આ લખાણ લખ્યું છે. જો આમાં કોઈ ભૂલ હોય કે વિચારદોષ હોય તો માફ કરશો.)

    • June 25, 2009 at 6:41 PM

      સુરેશભાઈ,
      આભાર.
      આજે ૮ વાગ્યા સુધી રાહ જુઓ લજ્જા દવેએ ટાઇપસેટ કરી આપેલો આર્ટિક્લ અપલોડ થશે એટ્લે ખ્યાલ આવશે કે મારી દરેક વિષયની આકરી લાગતી ટિપ્પ્ણો છેવટે નક્કર કાર્ય તરફની જ હોય છે. ક્મેન્ટમાં ઊંઝાનો આગ્રહ છોડ્વાની ઉદારતા સ્પર્શી ગઈ.
      ખોટું ના લગાડશો પણ નિશાળિયાની જોડણી આપે ખોટી કરી છે.
      આપના આશિષ માથે ચડાવું છું.

  14. Jagrat
    June 26, 2009 at 12:22 AM

    અભિનંદન સાહેબ.
    આજે જ્યારે બ્લોગ જગત એક નવા જ માધ્યમ તરિકે ઉભરી રહ્યુ છે ત્યારે આપનું આગમન અને આપની સિદ્ધી અનોખી છે. આજે બ્લોગ જગતમા મુખ્ય કાવ્યાત્મક બ્લોગો તથા અહી તહીથી ભેગુ કરીને મુકેલા બ્લોગોનો ઢક છે ત્યારે આપનો આ બ્લોગ જુદો તરી આવે છે. આ રિતના મોટા ભાગના અંગત રોષને પોસવા માટે બનતા હોય છે અને આ બહુ મોટુ ભય સ્થાન છે જેનાથી આપ પરિચીત જ હશો. આશા છે અનોખુ,તટસ્થ અને આપની આગવી શૈલીનું વાંચન નિયમિત પ્રાપ્ત થશે.

  15. June 26, 2009 at 1:59 PM

    ખુબ ખુબ અભીનંદન…..

  16. Viraj
    September 7, 2009 at 3:03 PM

    Congrtatulation!!!!!!!!!!!

Leave a Reply

Your email address will not be published. Required fields are marked *